Caloocan City – Umabot sa Php238,000 halaga ng shabu ang nasakote sa isang lalaki sa isinagawang buy-bust operation ng Caloocan City Police Station nito lamang Lunes, Pebrero 20, 2023.
Kinilala ni Police Colonel Ruben Lacuesta, Chief of Police ng Caloocan CPS, ang suspek na si alyas “Mark”, 38, at residente ng #2308 T. Earn Shaw St., Gagalangin, Tondo, Manila.
Ayon kay PCol Lacuesta, bandang 8:40 ng gabi ay naaresto si alyas “Mark”, sa kahabaan ng R.A.E. corner 1st Avenue, Barangay 120, Caloocan City sa nasabing operasyon ng mga operatiba ng OCOP-DEU, CCPS sa pangunguna Police Major Amor C Cerillo, Chief, Drug Enforcement Unit.
Nakumpiska sa suspek ang tatlong ng medium heat-sealed transparent plastic sachet na naglalaman ng hinihinalang shabu na may timbang na 35 gramo at may Standard Drug Price na Php238,000; at isang tunay na Php500 na may kasamang sampung piraso na pekeng Php1,000 na siyang ginamit bilang buy-bust money.
Kasong paglabag sa RA 9165 o Comprehensive Dangerous Drugs Act of 2002 ang kakaharapin ng suspek.
Paiigtingin naman ng kapulisan ng Northern Metro ang operasyon nito kontra ilegal na droga at sa lahat ng uri ng kriminalidad upang mapanatili ang kaayusan at kapayapaan sa lungsod ng CAMANAVA.
Source: NPD PIO
Panulat ni PSSg Remelin M Gargantos
