Nakumpiska ng mga operatiba ng Tagoloan Municipal Police Station ang hinihinalang shabu na may tinatayang Standard Drug Price na Php238,000 sa ikinasang buy-bust operation noong Mayo 4, 2025, sa Zone 8, Santa Cruz, Tagoloan, Misamis Oriental.
Kinilala ni Police Brigadier General Jaysen C. De Guzman, Regional Director ng Police Regional Office 10, ang suspek na si alyas “Bano”, 48 anyos at residente ng Zone 1, Mohon, Tagoloan, kabilang sa mga tinuturing na Street Level Individual at matagal nang minamanmanan dahil sa umano’y pagkakasangkot sa pagbebenta ng ilegal na droga sa nasabing bayan.
Kabilang sa mga nakumpiska mula sa suspek ay Php40 na barya, isang kaha ng sigarilyong Delta brand, isang pirasong Php500 bill na marked money, at anim na heat-sealed transparent plastic sachets na naglalaman ng hinihinalang shabu na tumitimbang ng 35 gramo.
Kasong paglabag sa Republic Act 9165 o ang “Comprehensive Dangerous Drugs Act of 2002” ang kakaharapin ng suspek.
Patuloy ang PNP sa pagsiguro ng kaligtasan at kaayusan ng pamayanan.
Panulat ni Pat Rizza C Sajonia
