Nakumpiska ang tinatayang Php238,000 halaga ng hinihinalang shabu sa ikinasang buy-bust operation na nagresulta sa pagkakadakip ng isang High Value Individual sa Purok 5, Sitio Canaway, Barangay Tibanga, Iligan City nito lamang Hulyo 22, 2024.
Ang naturang operasyon ay pinangunahan ng City Drug Enforcement Unit- Iligan City Police Office katuwang ang City Intelligence Unit at Police Station 5 Iligan City Police Office.
Kinilala ang suspek na isang alyas “James”, 40 anyos, residente ng nasabing lugar at tinaguriang High Value Individual.
Nakumpiska mula sa suspek ang 35 gramo ng hinihinalang shabu na may Standard Drug Price na Php238,000 at iba pang mga paraphernalia.
Ang Pambansang Pulisya ng Pilipinas ay hindi titigil sa pagpapaigting kontra ilegal na droga para sa seguridad at kaligtasan ng komunidad.
