Bulacan – Nasabat ang Php232,288 halaga ng ilegal na droga sq ikinasang buy-bust operation ng mga awtoridad sa Brgy. Longos, Pulilan, Bulacan nito lamang Miyerkules, ika-26 ng Hulyo 2023.
Ang naturang operasyon na pinamunuan ni Police Lieutenant Colonel Jerome Jay Ragonton, Acting Chief of Police ng Pulilan Municipal Police Station.
Kinilala ang drug personality na si alyas “Al”, 44, residente ng Brgy. Caingin, Bocaue, Bulacan.
Narekober sa naturang operasyon ang pagkakasabat ng tinatayang Php232,288 halaga ng shabu, isang motorsiklo, isang pirasong one thousand peso bill na ginamit na marked money at isang coin purse.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang operasyon ng Bulacan PNP sa pangangampanya laban sa ilegal na droga upang masawata ang lahat ng gumagamit at nagbebenta ng ipinagbabawal na gamot para sa ligtas at maunlad na pamayanan.
Source: Pulilan Municipal Police Station
