Benguet – Tinatayang Php230,000 halaga ng marijuana ang nadiskubre sa isinagawang marijuana eradication ng RPCADU Cordillera at Kibungan Municipal Police Station sa Sitio Culiang, Tacadang, Kibungan, Benguet nito lamang ika- 6 ng Hulyo, 2023.
Ayon kay Police Colonel Damian Olsim, Provincial Director ng Benguet Police Provincial Office, ang matagumpay na operasyon ay isinagawa ng mga tauhan ng RPCADU Cordillera at Kibungan PNP kung saan nadiskubre ang dalawang plantasyon ng marijuana na may 1,150 piraso ng fully-grown marijuana plants sa communal forest na may sukat na 200 square meters na nagkakahalaga ng tinatayang Php230,000.
Ayon pa kay PCol Damian, walang nahuli sa operasyon ngunit muling pinapaalalahanan ang publiko na itigil ang pagtatanim ng marijuana sapagkat hindi titigil ang Benguet PNP sa pagpuksa at paghuli sa mga nagtatanim at nag-aangkat sa ipinagbabawal na halaman.
