Kumpiskado ang tinatayang Php223,720 halaga ng shabu sa isang High Value Individual sa ikinasang buy-bust operation ng mga operatiba ng Tagoloan Municipal Police Station sa Sta Ana, Tagoloan, Misamis Oriental nito lamang Oktubre 5, 2024.
Kinilala ni Police Captain Reczon A Talines, Officer-In-Charge ng Tagoloan Municipal Police Station, ang suspek na isang Jeepney Driver at residente ng nasabing lugar.
Sa ikinasang buy-bust operation ng mga operatiba ng Tagoloan Municipal Police Station katuwang ang Misamis Oriental Provincial Drug Enforcement Unit ay matagumpay na nakumpiska ang nasa 32.9 na gramo ng hinihinalang shabu na may halagang Php223,720.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Tagoloan PNP ay patuloy sa pagsasagawa ng mga operasyon laban sa ilegal na droga para mapanatiling ligtas at payapa ang nasasakupang komunidad.
