Tinatayang Php217,600 halaga ng ilegal na droga ang nasamsam sa ikinasang buy-bust operation ng mga operatiba ng Tagoloan Municipal Police Station sa Barangay Sta Cruz, Tagoloan, Misamis Oriental nito lamang ika-23 ng Agosto 2024.
Kinilala ni Police Captain Ralph Rexson L Layug, Hepe ng Tagoloan Municipal Police Station, ang suspek na isang 33 na taong gulang na lalaki at residente ng Barangay Patrocenio, Claveria, Misamis Oriental.
Bandang 2:00 ng madaling araw nang ikasa ang operasyon na nagresulta sa pagkakakumpiska ng siyam na pakete na hinihinalang shabu na may bigat na nasa 32 na gramo na may Standard Drug Price na Php 217,600 at isang Php500 bill na ginamit bilang buy-bust money.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy ang Tagoloan PNP sa pagpapaigting kontra ilegal na droga sa kanilang nasasakupan para mapanatiling payapa at ligtas ang komunidad.
