Nasabat ang tinatayang Php214,880 na halaga ng hinihinalang shabu sa isinagawang buy-bust operation ng Ecoland Police Station sa Purok 8, Barangay Ulas, Tugbok District, Davao City nito lamang ika-4 ng Enero 2025.
Kinilala ni Police Major Butch Kevin P Rapiz, Acting Station Commander ng Ecoland Police Station, ang suspek na si alyas “Goy-Goy”, 28 at residente ng nasabing lugar.
Nasamsam ang tinatayang 31.6 na gramo ng hinihinalang shabu na nagkakahalaga ng Php214,880 at iba pang non-drug items.
Kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Sa pamamagitan ng regular na presensya ng PNP sa komunidad, mga checkpoints, at mga operasyon laban sa iligal na droga, armas, at iba pang krimen, tinitiyak ng Police Regional Office 11 na ang Davao ay nananatiling isang ligtas na lugar para sa mga Dabawenyo at turista.
Panulat ni Pat Shairra Rose A Aquino
