Arestado ng mga tauhan ng Taguig City Police Station ang isang suspek sa ikinasang drug buy-bust operation at nahulihan ng mga ilegal na baril sa Barangay Central Bicutan Taguig City bandang 4:45 ng madaling araw nito lamang Martes, Hulyo 16, 2024.
Kinilala ni Police Colonel Christopher F Olazo, Acting Chief of Police ng Taguig City Police Station, ang suspek na si alyas “Joy”, lalaki, 47 anyos at nagtatrabaho bilang isang contractor.
Pinangunahan ng mga operatiba ng Taguig Station Drug Enforcement Unit ang operasyon katuwang ang mga tauhan ng Taguig Sub-Station 7 na nagresulta sa pagkakaaresto sa suspek at pagkakasabat ng 31.6 gramo ng hinihinalang shabu na may tinatayang street value na Php214,880, isang kalibre .45 Armscor pistol, limang bala, isang magasin, isang genuine na Php500 bill at Php6,000 na boodle money na ginamit sa operasyon.
Mahaharap ang suspek sa reklamo para sa paglabag sa Section 5 at Section 11 ng Republic Act 9165, na kilala rin bilang Comprehensive Dangerous Drugs Act of 2002, gayundin sa Republic Act 10591, ang Comprehensive Law on Firearms and Ammunition Regulation Act.
Nagpasalamat naman ang PNP sa pagbibigay suporta ng komunidad upang masugpo ang mga ilegal na kalakaran ng droga sa kanilang lugar at mahuli ang mga sangkot dito para sa kaligtasan at kaayusan ng ating bansa.
Source: SPD PIO
Panulat ni PSSg Remelin M Gargantos
