Makati City — Umabot sa Php211,000 halaga ng shabu ang nasabat sa tatlong suspek sa isinagawang buy-bust operation ng Makati City Police Station nito lamang Martes, Mayo 16, 2023.
Kinilala ni PBGen Kirby John Kraft, District Director ng Southern Police Didstrict, ang mga suspek sa pangalang Jeffrey, 25; Andy Anthony, 34; at Leonalyn, 27.
Ayon kay PBGen Kraft, naganap ang operasyon bandang 8:45 ng gabi dahil sa sumbong ng isang concerned citizen ukol sa ilegal na aktibidad na nangyayari sa Laperal Compound sa kahabaan ng Progreso St., Brgy. Guadalupe Viejo, Makati City na agaran namang nirespondehan ng mga otoridad na nagresulta sa pagkakaaresto ng mga suspek.
Nasamsam ng mga otoridad ang dalawang self-sealing transparent plastic sachet na naglalaman ng hinihinalang shabu na may tinatayang timbang na 31.05 gramo at Standard Drug Price na Php211,208 mula sa posesyon ni Andy at Leonalyn; at isang disposable lighter.
Bukod sa droga at gambling paraphernalia, narekober din ang apat na piraso ng hindi nagamit na transparent plastic sachet, isang set ng playing cards, mga bet money na binubuo ng siyam na Php100, apat na Php50, at dalawang Php20.
Pinuri ni PMGen Edgar Alan Okubo, Regional Director ng NCRPO ang kanyang hanay sa patuloy na pinapakitang dedikasyon sa kanilang misyon na puksain ang mga ilegal na aktibidad at mapanatili ang kapayapaan at kaayusan sa loob ng komunidad. Hinimok din niya ang publiko na aktibong lumahok sa gawaing ito sa pamamagitan ng agarang pag-uulat ng anumang kahina-hinala o ilegal na aktibidad na kanilang lugar.
Source: SPD PIO
Panulat ni PSSg Remelin M Gargantos
