Misamis Oriental – Tinatayang Php210,800 halaga ng shabu ang nasabat sa isinagawang buy-bust operation ng PNP Drug Enforcement Group at Misamis Oriental PNP sa Zone 7, Barra, Pool, Misamis Oriental nitong Huwebes Agosto 18, 2022.
Kinilala ni Police Major Michael Salvador Lacasan, Hepe ng Opol Municipal Police Station, ang suspek na si Christopher Enot, 29, residente ng Zone 5, Barra, Opol, Misamis Oriental.
Ayon kay PMaj Lacasan, naaresto si Enot dakong 7:30 ng gabi sa naturang lugar sa pinagsanib pwersa ng mga tauhan ng Misamis Oriental Police Provincial Office, 2nd Provincial Mobile Force Company Misamis Oriental, PNP Drug Enforcement Group-Special Operation Unit 10 at Opol Municipal Police Station.
Nasamsam mula sa suspek ang pitong pakete ng hinihinalang shabu na may timbang na 31 gramo at tinatayang nagkakahalaga ng Php210,800, isang pirasong Php500 bill at walong pirasong photocopy ng Php500 bill bilang budol money.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang Misamis Oriental PNP ay mas paiigtingin ang paglaban sa ilegal na droga tungo sa isang tahimik, maayos at ligtas na komunidad.
Source: Opol Municipal Police Station
###
Panulat ni Patrolman Edwin Baris/RPCADU 10
