Nasabat ang tinatayang Php210,000 halaga ng shabu mula sa naarestong High Value Individual sa isinagawang buy-bust operation sa Mati Central Elementary School Compound, Barangay Central, Mati City, Davao Oriental nito lamang Enero 28, 2025.
Ang nasabing operasyon ay pinangunahan ng Regional Police Drug Enforcement Unit (RPDEU) 11 katuwang ang Mati City Police Station.
Kinilala ni Police Major Maynard D Pascual, Hepe ng RPDEU 11, ang suspek na si alyas “Ric-Ric”, 37 anyos at residente ng Bilawan 2 Relocation, Barangay Central, Mati City.
Kabilang sa mga nakuha mula sa suspek ang 31 gramo ng shabu, .45 kalibre na baril a iba pang non-drug evidence.
Kasong paglabag sa Republic Act 9165 o ang “Comprehensive Dangerous Drugs Act of 2002” at Republic Act 10591 kaugnay sa COMELEC Resolution 11067 o Gun Ban ang kakaharapin ng suspek.
Ang tagumpay ng operasyon ay dulot ng walang tigil na pagsusumikap ng Police Regional Office 11 upang managot ang mga lumalabag sa batas, na naglalayong tiyakin na ang bawat komunidad ay protektado mula sa anumang uri ng karahasan at panganib.
Panulat ni Pat Shairra Rose A Aquino
