Benguet – Tinatayang Php210,000 halaga ng marijuana ang nadiskubre ng Benguet PNP sa isang plantation sa isinagawang Internal Security Operation (Oplan Mustang) sa Tacadang, Kibungan, Benguet nito lamang ika-30 ng Abril 2023.
Ayon kay Police Colonel Damian Olsim, Provincial Director, Benguet Police Provincial Office, matagumpay ang operasyon ng pinagsamang operatiba ng Benguet 2nd Provincial Mobile Force Company, Kibungan Municipal Police Station, Benguet Police Provincial Office kung saan nadiskubre ang isang plantasyon na may sukat na 40 sqm at humigit kumulang 1050 piraso ng Fully Grown Marijuana Plants na may Standard Drug Price na Php210,000.
Patunay lamang na ang Benguet PNP ay patuloy ang pagpapaigting ng kampanya kontra ilegal na droga upang mapanatili ang kapayapaan at kaayusan sa kanilang nasasakupan.
