Cagayan – Nasamsam ang tinatayang Php210K halaga ng hinihinalang shabu sa buy-bust operation ng Cagayan PNP sa Brgy. Lingu, Solana, Cagayan nitong Martes, Hunyo 6, 2023.
Kinilala ni Police Colonel Julio Gorospe Jr., Provincial Director ng Cagayan PPO, ang suspek na si alyas Diego, 29, binata, isang negosyante, at residente ng Tuguegarao City, Cagayan.
Dinakip ang suspek matapos magbenta ng isang heat-sealed transparent plastic sachet na naglalaman ng hinihinalang shabu sa pulis na nagpanggap na poseur buyer.
Nakumpiska naman mula sa kanyang pag-iingat ang 42 piraso ng heat sealed transparent plastic sachet na hinihinalang shabu at nagkakahalaga ng Php210,000; Php 3,000 na ginamit bilang buy-bust money; isang itim na Vivo Y20 Cellular phone; at isang itim na Suzuki Raider.
Samantala, puspusan naman ang ginagawang operasyon ng Cagayano Cops upang matapos na ang problema sa droga sa buong lalawigan.
Source: Cagayan Police Provincial Office
Panulat ni Police Staff Sergeant Mary Joy D Reyes
