Nasabat ng Valencia City PNP ang tinatayang Php209,000 halaga ng shabu na nagresulta sa pagkakadakip sa isang indibidwal sa Purok 13A, Poblacion, Valencia City, Bukidnon nito lamang Hunyo 23, 2024.
Kinilala ni Police Colonel Jovit L Culaway, Provincial Director ng Bukidnon Police Provincial Office, ang naarestong suspek na si alyas “Laoy”, 29 anyos at residente ng Purok 13A, Poblacion, Valencia City, Bukidnon.
Naaresto ang suspek bandang 1:48 ng madaling araw ng pinagsanib pwersa ng Bukidnon Police Provincial Office – Provincial Drug Enforcement Unit, Valencia City Police Station at Provincial Intelligence Unit 10.
Narekober mula sa suspek ang limang sachets ng hinihinalang shabu na may timbang na 30.83 gramo at may street value na Php209,644, apat na piraso ng caliber 45 cartridge, isang unit na Suzuki Gixxer na motorsiklo, isang unit ng cellphone at iba pang mga paraphernalia.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002 at Republic Act 10591 o Comprehensive Firearms and Ammunition Regulation Act.
Nagpahayag naman si PCol Culaway ng kanyang papuri sa mga rumespondeng tauhan ng PNP para sa mahusay na trabaho kaugnay sa pahayag ni Pangulong Ferdinand Marcos, Jr., ang kanyang matibay na pangako na ipagpatuloy ang digmaan laban sa droga na may balangkas ng batas at may paggalang sa karapatang pantao at nakatuon sa rehabilitasyon at pag-unlad ng socioeconomic.
Panulat ni Patrolwoman Jovelyn J Dodosa
