Malabon City — Timbog ang isang babae matapos mahulihan ng tinatayang Php208,080 halaga ng shabu sa isinagawang buy-bust operation ng Malabon City Police Station nito lamang Martes, Mayo 23, 2023.
Kinilala ni Police Brigadier General Ponce Rogelio Peñones Jr, District Director ng Northern Police District, ang supek na si alyas “Rhoda” (Pusher/Newly Identified), 43, at kasalukuyang naninirahan sa No. 174 Julian Felipe St., Brgy. 8, Lungsod ng Caloocan.
Ayon kay PBGen Peñones Jr, nagsagawa ng planong operasyon ang tauhan ng Station Drug Enforcement Unit na nagresulta sa pagkakaaresto kay alyas “Rhoda” bandang 3:30 ng madaling araw sa kahabaan ng M.H. Del Pilar, Brgy. Tugatog, Malabon City.
Nasamsam sa suspek ang pitong maliliit na heat-sealed transparent plastic sachet na naglalaman ng hinihinalang shabu; isang tunay na Php500 na buy-bust money; at isang kulay brown na supot.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Pinuri ni PMGen Edgar Alan O Okubo, Regional Director ng NCRPO, ang Malabon City Police Station dahil sa maagap at agarang operasyon na nagresulta sa pagkakakumpiska sa mga hinihinalang shabu at pagkaaresto sa suspek.
Source: NPD PIO
Panulat ni PSSg Remelin M Gargantos
