General Santos City – Tinatayang Php206,000 halaga ng shabu ang nasabat sa dalawang suspek sa buy-bust operation ng General Santos PNP at PDEA 12 sa Honorio Arriola Street, Barangay Bula, General Santos City noong ika-18 ng Oktubre 2022.
Kinilala ni Police Brigadier General Jimili Macaraeg, Regional Director, Police Regional Office 12, ang dalawang suspek na sina alyas “Balong”, 34, walang trabaho, single, residente ng Upper Pusong Bato, Brgy. Calumpang, General Santos City at si Alyas “Shan”, 39, may asawa, residente ng Plete’s Compound National Highway, Brgy. Poblacion, Polomolok, South Cotabato.
Ayon kay PBGen Macaraeg, nabili ng nagpanggap na Posuer buyer mula sa mga suspek ang isang transparent plastic sachet ng hinihinalang shabu na may timbang na 0.2 gramo.
Dagdag pa ni PBGen Macaraeg, bandang 3:28 ng hapon naaresto ang dalawang suspek ng mga operatiba ng City Intelligence Unit (CIU); City Mobile Force Company (CMFC); Police Station 6; General Santos City Police Office (GSCPO); City Intelligence Team (CIT), Regional Intelligence Unit (RIU) 12; Regional Intelligence Division (RID) 12 Tracker Team Bravo at Philippine Drug Enforcement Agency (PDEA) 12.
Narekober sa suspek ang anim na piraso ng heat-sealed transparent plastic sachets ng hinihinalang shabu na may timbang na humigit kumulang 30 gramo na nagkakahalaga ng Php204,000 at dalawang maliliit na rectangular plastic sachet ng hinihinalang shabu na may timbang na 0.4 gramo na may tinatayang halaga na Php2,720 at Php500 bill bilang buy-bust money.
Nahaharap ang dalawang suspek sa kasong paglabag sa Section 5 at 11 kaugnay sa Section 26 ng Republic Act 9165 o Comprehensive Dangerous Drugs Act of 2002.
Patuloy na paiigtingin ng Police Regional Office 12 ang kampanya kontra ilegal na droga bilang pagmamalasakit sa publiko upang mapanatili ang kaayusan at kapayapaan ng rehiyon.
Source: Police Regional Office 12 – Public Information Office
Panulat ni Patrolman Khnerwin Jay A Medelin
