Nasabat ang tinatayang nasa Php205,020 halaga ng hinihinalang shabu mula sa apat na drug personality nito lamang ika-11 ng Mayo 2024 sa San Antonio Village, Km 9, Sasa, Davao City.
Ayon kay Police Major Carol U Jabagat, Acting Station Commander ng Sasa Police Station, ang mga suspek ay kinilalang sina alyas “Budoy”, 39 at tinaguriang Top 4 City Level Target; alyas “Roel”, 44, construction worker; alyas “Charimay” at alyas “Joy” na isang harvester sa Magsige Banana Plantation.
Nasabat mula sa mga suspek ang 30.15 gramo ng hinihinalang shabu at buy-bust money.
Ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Panulat ni Pat Shairra Rose A Aquino
