Arestado ang isang 19 anyos na babae at nasamsam ang tinatayang Php204,000 halaga ng shabu sa ikinasang joint buy-bust operation ng Regional Police Drug Enforcement Unit (RPDEU) 10 at Tagoloan Municipal Police Station sa Zone 3, Barangay Mohon, Tagoloan, Misamis Oriental nito lamang Nobyembre 24, 2024.
Kinilala ni Police Lieutenant Colonel Ramon Christian S Laygo, Hepe ng Regional Police Drug Enforcement Unit 10, ang mga suspek na sina alyas “Ericka”, 19 anyos at si alyas “Eric” na nakatakas sa operasyon.
Nasamsam ang anim na pakete na hinihinalang shabu na may bigat na nasa 30 na gramo na may tinatayang halaga na Php204,000.
Nahaharap ang dalagita sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy ang Police Regional Office 10 sa pagpapaigting ng kampanya kontra ilegal na droga sa kanilang nasasakupan para mapanatiling ligtas at payapa ang buong rehiyon.
