Bacolod City – Nakumpiska ang tinatayang Php204,000 halaga ng shabu sa buy-bust operation ng pulisya sa Bacolod City nito lamang umaga ng Lunes, Mayo 30, 2022.
Kinilala ni Police Major Joery Puerto, Hepe ng Bacolod City Police Station 8 ang suspek na si Justine Estaniel alyas “Tarzan”, 27 at residente ng Purok Neptune, Barangay Singcang-Airport, Bacolod City.
Ayon kay PMaj Puerto, naaresto si Estaniel sa Purok Mainabyanon, Barangay Singcang-Airport ng mga operatiba ng Special Drug Enforcement Team ng Bacolod City Police Station 8 sa pangunguna ng hepe nito.
Nakumpiska sa suspek ang anim na malalaking plastic sachet na naglalaman ng hinihinalang shabu na humigit kumulang 30 gramo na may Standard Drug Price na Php204,000 at buy-bust money.
Nahaharap ang suspek sa paglabag sa RA 9165 o Comprehensive Dangerous Drugs Act of 2002.
###
