Navotas City – Nasabat ang Php204,000 halaga ng shabu sa limang suspek sa isinagawang buy-bust ng Station Drug Enforcement Unit (SDEU) ng Navotas City Police Station sa kahabaan ng B Cruz St., Brgy. Tangos North, Navotas City nito lamang madaling araw ng Sabado, ika-25 ng Marso 2023.
Kinilala ni PBGen Ponce Rogelio Peñones Jr., District Director ng Northern Police District, ang mga suspek na sina alyas “Onse”, 44; alyas “Balat”, 44; alyas “Micheal”, 23; alyas “Marvin”, 41; at alyas “Joseph”, 35, pawang mga residente ng Brgy. Tangos North.
Ayon kay PBGen Peñones Jr, nasamsam sa mga suspek ang anim na heat-sealed transparent plastic sachet na naglalaman ng pinaghihinalaang shabu, apat na pinagsamang aluminum foil na ginamit bilang tooter na may mga bakas na umano’y shabu, dalawang kulay asul na disposable lighter, isang brown coin purse wallet, at isang Php500 na ginamit ng poseur-buyer bilang buy-bust money na may kasamang 12 na pirasong pekeng Php1,000 bilang boodle money.
Paglabag sa Sec. 5 at 11, Art. II ng RA 9165 o ang Comprehensive Dangerous Drugs Act of 2002 ang isinampang kaso laban sa mga suspek.
Sinisiguro ng buong hanay ng Northern Police District na patuloy na magsasagawa ng mga operasyon kontra ilegal na droga at anumang uri ng kriminalidad sa lugar upang mapanatili ang kaayusan at katahimikan sa komunidad.
Source: NPD PIO
Panulat ni PSSg Remelin M Gargantos
