Daet, Camarines Norte – Tinatayang Php204,000 halaga ng shabu ang nakumpiska sa limang suspek kabilang ang dalawang menor de edad sa inilunsad na buy-bust operation ng PNP Bicol at PDEA RO5 na nagresulta sa pagkakabuwag sa isang drug den sa Purok 4, Barangay VII, Daet, Camarines Norte nito lamang Martes, Setyembre 13, 2022.
Kinilala ni PLtCol Arnel D De Jesus, Chief of Police ng Daet Municipal Police Station, ang mga suspek na sina Isagani Roson y Hernandez (Subject for buy-bust/Drug Den Maintainer), 38, may kinakasama at residente ng Barangay VII, Daet; Lyza Aguilar y Galvez (Visitor of Drug Den), 19, dalaga; Mary Ann Villamora y Caguimbal (Visitor of Drug Den), 33, dalaga at parehong mga residente ng Purok 4, Barangay Tacad, Basud; alyas “Jun” (Visitor of Drug Den), 16, residente ng Purok 8, Barangay VII, Daet at si alyas “Enan” (Visitor of Drug Den), 15, estudyante, residente ng Purok 4, Barangay San Felipe, Basud, Camarines Norte.
Ayon kay PLtCol De Jesus, naaresto ang mga suspek bandang 2:20 ng hapon ng pinagsanib na mga operatiba ng Drug Enforcement Group Special Operation Unit 5, PDEA-Camarines Norte, Camarines Norte Provincial Intelligence Unit at Daet Municipal Police Station.
Ayon pa kay PLtCol De Jesus, narekober mula sa mga suspek ang 30 gramo ng hinihinalang shabu na may tinatayang halaga na Php204,000 at mga drug parapernalya.
Mahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Samantala, ang dalawang menor de edad ay agad namang dinala sa kustodiya ng Municipal Social Welfare and Development Office (MSWDO) ng Daet para sa assessment at kaukulang disposisyon.
“Patuloy nating tutugisin at lilipulin ang mga durugista at tulak ng ilegal na droga na walang tigil sa pagpapakalat ng droga at unti-unting lumalason at sumisira sa buhay at kinabukasan ng mga taong nabibiktima nito. Isa itong babala sa lahat ng mga gumagawa ng ilegal na gawain na ang inyong Pulis Bantayog ay hindi hihinto sa pagpapaigting ng mga operasyon kontra ilegal na droga sa ating probinsiya, upang maisalba ang buhay ng mga kabataang nabibiktima nito,” pahayag ni PCol Antonio C Bilon Jr., Provincial Director ng Camarines Norte PPO.
