San Agustin, Surigao del Sur – Kumpiskado ang tinatayang Php204,000 halaga ng shabu sa paghahain ng Search Warrant sa isang bahay sa Purok 5, Brgy. Salvacion, San Agustin, Surigao del Sur na humantong sa pagkaaresto ng dalawang suspek nito lamang Biyernes, Hulyo 15, 2022.
Kinilala ni Police Brigadier General Romeo Caramat Jr, Regional Director ng Police Regional Office 13, ang dalawang naaresto na sina Sonny Descalso, 29, security guard, at si Philip Roy Lobo, 41, driver, pawang mga residente ng nabanggit na lugar.
Ayon kay PBGen Caramat Jr, bandang 1:20 ng madaling araw nang halughugin ng mga operatiba ng San Agustin Municipal Police Station at Philippine Drug Enforcement Agency-Surigao del Sur ang bahay ng dalawang suspek sa pamamagitan ng Search Warrant No. 01-2022.
Nakumpiska ang 16 pirasong heat-sealed transparent plastic sachets na naglalaman ng nasa humigit kumulang 30 gramo ng hinihinalang shabu na tinatayang nagkakahalaga ng Php204,000, pera na may kabuuang halaga na Php47,000, 5 yunit ng cellphone at drug paraphernalia.
Nahaharap ang dalawang suspek sa kasong paglabag sa Republic Act 9165 o Comprehensive Dangerous Drugs Act of 2002.
“PNP Caraga will continue to intensify its campaign against all forms of criminality, especially illegal drugs, to ensure the safety and security of the people in Caraga region together with our partner agencies,” pahayag ni PBGen Caramat.
###
Panulat ni Patrolman Jhunel Cadapan/RPCADU13
