SInunog ng mga awtoridad ang tinatayang Php204,000 halaga ng Fully Grown Marijuana Plants (FGMP) sa Sitio Liyeng, Tacadang, Kibungan, Benguet nito lamang Hulyo 5, 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang operasyon sa pagsisikap ng pinagsanib na pwersa ng mga tauhan ng 1st Benguet Provincial Mobile Force Company bilang Lead unit, Kibungan Municipal Police Station, Provincial Intelligence Unit, Benguet Police Provincial Office at Philippine Drug Enforcement Agency (PDEA).
Ito ay matagumpay na nadiskubre dahil sa isinagawang marijuana eradication na nagresulta sa pagkakadiskubre ng higit kumulang 1,020 na piraso ng FGMP sa land area na may sukat na 170 square meters at may Standard Drug Price na Php204,000 sa isang communal forest sa nasabing lugar.
Samantala, walang nahuling marijuana cultivator sa operasyon at kaagad sinunog ng mga operatiba ang mga nadiskubreng ipinagbabawal na halaman sa mismong lugar.
Patuloy ang Benguet PNP katuwang ang iba pang ahensya ng gobyerno sa pagpuksa ng ipinagbabawal na halaman sa buong nasasakupan upang makamtan ang kaayusan tungo sa isang Bagong Pilipinas.
