Opol, Misamis Oriental – Nasabat ang tinatayang Php202,280 halaga ng shabu sa isang suspek sa isinagawang buy-bust operation ng Opol PNP nito lamang Lunes, Hunyo 6, 2022.
Kinilala ni Police Major Michael Salvador Lacasan, Officer-in-Charge ng Opol Municipal Police Station, ang suspek na si Joevel Villamor, 35, residente ng Zone 7, Barra, Opol, Misamis Oriental.
Ayon kay PMaj Lacasan, bandang 10:00 ng gabi naaresto ang suspek sa naturang lugar ng mga tauhan ng Opol Municipal Police Station.
Ayon pa kay PMaj Lacasan, nakumpiska mula sa suspek ang apat na pakete ng hinihinalang shabu na may tinatayang timbang na 29.6 gramo na may tinatayang halaga na Php202,280, buy-bust money at isang cellphone.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2022.
Ang tagumpay ng PNP laban sa ilegal na droga ay bunga ng pakikipagtulungan ng mamamayan upang mapanatiling ligtas at maayos ang komunidad.
Source: Opol Municipal Police Station
###
Panulat ni Patrolman Joshua Fajardo/RPCADU 10
