Arestado ang drug suspect sa isinagawang buy-bust operation ng mga operatiba ng Tagoloan Municipal Police Station sa Sta. Cruz, Tagoloan, Misamis Oriental nito lamang ika-23 ng Setyembre 2024.
Kinilala ni Police Captain Ralph Rexson L Layug, Officer-In-Charge, ng Tagoloan MPS, ang drug suspek na si alyas “Rick”, 37 taong gulang, walang asawa, walang trabaho at residente ng Sugbongcogon, Tagoloan, Misamis Oriental.
Sa ikinasang buy-bust operation bandang 6:00 ng gabi, ay nagresulta ng pagkakakumpiska ng 15 pakete ng hinihinalang shabu na may 30 na gramo at may Standard Drug Price na Php 204,000, at isang Php500 bill na ginamit bilang buy-bust money at iba pang mga non-drug items.
Ang suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Pambansang Pulisya ay hindi titigil sa pagpapaigting kontra ilegal na droga para sa seguridad at kaligtasan ng komunidad.
