Batangas City – Tinatayang Php200,000 na halaga ng shabu ang nakumpiska sa dalawang suspek sa buy-bust operation ng Batangas PNP nito lamang Martes, Mayo 10, 2022.
Kinilala ni Police Colonel Glicerio Cansilao, Provincial Director ng Batangas Police Provincial Office, ang dalawang suspek na sina Rosario Anasio Tolentino alyas “Tita Baby/Tita”, 53, residente ng Brgy. Sto. Domingo, Bauan, Batangas at Sarah Angeles Maclang, 38, residente ng Sitio Puyo, Brgy. Sta. Clara, Batangas City.
Ayon kay PCol Cansilao, bandang 11:30 ng gabi naaresto ang dalawang suspek sa Diversion Road, Brgy. Bolbok, Batangas City ng mga operatiba ng Drug Enforcement Unit; Provincial Intelligence Unit-Batangas; Batangas City Police Station at Philippine Drug Enforcement Agency-4A.
Ayon pa kay PCol Cansilao, nakumpiska mula sa dalawang suspek ang anim na heat-sealed transparent plastic sachets na naglalaman ng pinaghihinalang shabu na may timbang na 30 gramo at nagkakahalaga ng Php204,000; buy-bust money na Php1000 at 65 piraso na pekeng Php1000 bill; isang blue Oppo touchscreen cellular phone; isang Honda Click 125 na motorsiklo at pera na nagkakahalaga ng Php800.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy ang kampanya laban sa ilegal na droga at iba pang krimen upang manatiling ligtas at maayos ang komunidad.
Source: Batangas Police Provincial Office
###
Panulat ni Patrolman Mark Lawrence Atencio/RPCADU 4A
