Sulu – Tinatayang Php200,380 na halaga ng marijuana ang sinira at tatlong indibidwal ang arestado sa isinagawang operasyon ng pinagsamang operatiba ng Siasi Municipal Police Station at Philippine Army 104th Infantry Battalion sa Sitio Lammin, Brgy. Minapan, Siasi, Sulu nito lamang ika-31 ng Mayo 2023.
Kinilala ni Police Brigadier General Allan Nobleza, Regional Director ng PRO BAR, ang mga naaresto na sina Winilson Balla Mabini, 35; Sitti Khanna Balla Mabini, 28; at Kimpe Balla Namli, 25, na pawang mga residente ng Sitio Lammin, Brgy. Minapan, Siasi, Sulu na naaktuhang nagtatanim ng mga halamang marijuana.
Ayon kay PBGen Nobleza, nasamsam sa operasyon ang halamang marijuana na nagkakahalaga ng Php200,380 na agad namang binunot at sinunog sa lugar, isang 5.56 M16 rifle, apat na 5.56 mm magazine assembly, 67 rounds na 5.56mm ammunition, isang caliber .45 Taurus pistol, tatlong piraso ng .45 caliber magazine assembly, at labing pitong live ammunitions ng Cal .45.
Mahaharap ang mga suspek sa mga kasong paglabag sa Section 16 ng Republic Act 9165 o “Comprehensive Dangerous Drugs Act of 2002” at R.A. 10591 o “Comprehensive Firearms and Ammunition Regulation Act”.
“I commend the combined operatives involved in the success of this operation, naway maging babala ito sa lahat ng nagbabalak na magtanim at magbenta ng marijuana na ang paglabag na ito ay maghahantong sa pagkakakulong. Huwag nating hayaang masira ang kinabukasan ng ating pamilya dahil lamang sa mga ilegal na gawain na ito,” ani PBGen Nobleza.
Panulat ni Patrolman Charlie Nasroden Corpuz
