Pasong Tamo, Quezon City — Tinatayang Php20.4 milyong halaga ng shabu ang nasabat sa isang lalaki sa isinagawang buy-bust operation ng Quezon City Police District nito lamang Lunes, Agosto 15, 2022.
Kinilala ni PBGen Jonnel C Estomo, Acting Regional Director ng NCRPO, ang suspek na si Jerome Labita, 20 taong gulang.
Ayon kay PBGen Estomo, bandang 12:40 ng tanghali naaresto si Labita sa kahabaan ng Varsity Lane West, Barangay Pasong Tamo, Quezon City sa pinagsanib puwersa ng mga operatiba ng SOU-NCR PNP DEG, IFLD PNPDEG, R2 /RDEU/RSOG NCRPO, QCPD Station-14, DDEU- QCPD, DID Quezon City, RIU-NCR, RFU-NCR CIDG, at PDEA-NCR.
Narekober mula kay Labita ang tatlong vacuum-sealed plastic Chinese tea bag na may tinatayang bigat na tatlong kilo ng hinihinalang shabu at may Standard Price na Php20,400,000, isang black bagpack, dalawang unit ng cellular phone at isang unit ng SUV (Toyota Fortuner black) na may plate number NQX345.
Mahaharap si Labita sa kasong paglabag sa RA 9165 o Comprehensive Dangerous Drugs Act of 2002.
Sa mensahe ni PBGen Estomo, pinuri niya ang mga operating units na nakahuli sa nasabing suspek, aniya “Pinupuri ko ang ating mga operatiba sa kanilang walang humpay na pagsisikap sa pagsasagawa ng buy-bust operations na humantong sa pagkakaaresto dito sa suspek at pagkumpiska ng malaking halaga ng ilegal na droga.”
Dagdag pa niya, “with proper coordination and communication with other police units and agencies it will be easier for us to apprehend these drug peddlers.
Muli kong binabalaan ang iyong mga patuloy na sangkot sa ilegal na droga, magbago na kayo. Ang buong Team NCRPO ay hindi magsasawa na manghuli sa mga katulad ninyo upang maprotektahan ang seguridad ng mga mamamayan laban sa anumang krimen, droga, at terorismo.”
Source: PIO NCRPO
Panulat ni PSSg Remelin M Gargantos
