Ormoc City – Nasabat ng mga operatiba ng PNP-PDEA 8 ang nasa Php2,924,000 halaga ng shabu sa ikinasang buy-bust operation sa Purok 4 Brgy. Naungan, Ormoc City nito lamang Huwebes, ika-9 ng Marso 2023.
Kinilala ni Police Colonel Reydante Ariza, Chief, RID ng PRO8, ang mga suspek na sina Erwin (HVI), 40, residente ng Purok 4 Brgy. Naungan, Ormoc City at kabilang sa Top 10 Regional Priority list ng PDEG at PDEA 8 at si John John, 35, residente ng Purok 1 Brgy. Naungan, Ormoc City.
Ayon kay PCol Ariza, bandang 4:20 ng hapon ng isagawa ang operasyon ng mga tauhan ng Regional PNP Drug Enforcement Unit 8 (Lead Unit) sa pangunguna ni Police Major J-Rale Paalisbo, 121SAC, 12SAB, PNP SAF, CIU/CDEU OCPO, OCMFC OCPO, STATION 4, OCPO at PDEA 8.
Nakumpiska mula sa mga suspek ang 430 gramo ng shabu na nagkakahalaga ng Php2,924,000, drug paraphernalia, caliber .45 pistol kasama ang magazine na may lamang 7 pirasong live ammunition at isang unit ng .38 revolver na loaded ng live ammunition.
Mahaharap naman sa kasong paglabag sa Sec 5 at 11 sa ilalim ng Republic Act 9165 o Dangerous Drugs Act of 2002 at RA 10591 o Comprehensive Firearms and Ammunition Regulation Act ang mga nasabing suspek.
Ang matagumpay na operasyon ay bunga ng patuloy na pagpapaigting ng kapulisan sa kampanya kontra ilegal na droga lalo na sa pagsusulong sa kaayusan at kapayapaan ng buong rehiyon.
