Tinglayan, Kalinga – Tinatayang Php2,800,000 halaga ng marijuana ang binunot at sinunog ng Kalinga PNP sa dalawang araw na marijuana eradication sa Barangay Buscalan, Tinglayan, Kalinga nito lamang May 22-23, 2022.
Ayon kay Police Colonel Peter Tagtag Jr., Provincial Director, Kalinga Police Provincial Office, naging matagumpay ang operasyon sa pinagsamang puwersa ng Tinglayan Municipal Police Station at Second Kalinga Provincial Mobile Force Company (2nd KPMFC).
Ayon pa kay Police Colonel Tagtag Jr., natuklasan sa nasabing lugar ang dalawang plantasyon ng marijuana na may kabuuang sukat na 1,400 square meters ang mahigit kumulang 14,000 piraso ng fully grown marijuana plants na nagkakahalaga ng Php2,800,000.
Agad namang binunot at sinunog ng mga otoridad ang mga nadiskubreng mga marijuana plants sa mismong lugar ng taniman.
Samantala, walang naitalang nahuling marijuana cultivator sa isinagawang operasyon.
Ang matagumpay na operasyon na ito ng Kalinga PNP ay isa lamang resulta ng walang tigil at mas pinaigting na kampanya kontra sa ilegal na droga.
Panulat ni Patrolwoman Febelyne C Codiam
