Maguindanao del Norte – Nasabat ang tinatayang Php2.7 milyong halaga ng smuggled cigarettes na nagresulta sa pagkakadakip ng tatlong indibidwal sa operasyon ng Sultan Kudarat Police Provincial Office sa Brgy. Dalumangcob, Sultan Kudarat, Maguindanao del Norte nito lamang ika-4 ng Pebrero 2024.
Kinilala ni Police Lieutenant Colonel Ismael Madin, Chief of Police ng Sultan Kudarat Police Provincial Office, ang mga suspek na sina alyas “Jojo”, 30, na residente ng Making, Parang, Maguindanao del Norte; alyas “Jay” na residente ng South Upi, Maguindanao del Sur at si alyas “Sam” na residente ng Talayan, Maguindano del Sur.
Ayon sa ulat, naaresto ang tatlong suspek sa isinagawang intel-driven operation ng Sultan Kudarat PNP at nasamsam sa loob ng gray wing van ang 150 na piraso na kahon ng Berlin Smuggled Cigarettes.
Patunay lamang na ang Pambansang Pulisya ng Pilipinas ay pinapaigting ang kanilang sinumpaang tungkulin para sa maayos at maunlad na bansa.
Panulat ni Patrolwoman Ma. Señora J Agbuya
