Nasabat ng Cebu City PNP ang Php2.7 milyong halaga ng hinihinalang shabu mula sa isang High Value Individual sa isinagawang buy-bust operation sa Sitio San Pedro, Barangay Duljo-Fatima, Cebu City, noong ika-2 ng Hulyo 2024.
Kinilala ni Police Major Jonathan Bethooven N Taneo, hepe ng City Drug Enforcement Unit, Cebu City Police Office, ang High Value Individual na suspek na si “Winston”, 41 anyos at residente ng Sitio May Flower, Spolarium Street, Barangay Duljo-Fatima, Cebu City.
Bandang 10:10 ng gabi ng ikinasa ng pulisya ang naturang buy-bust operation na nagresulta sa pagkaaresto ng suspek at pagkasabat ng 33 plastic packs ng hinihinalang shabu na may timbang na 403 gramo at Standard Drug Price na Php2,740,000, red Nike sling bag at buy-bust money.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang Cebu City PNP ay patuloy sa pagpapaigting ng kanilang kampanya kontra ilegal na droga. Ito ay alinsunod sa isa sa pangunahing prayoridad ng pamahalaan na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Source: CCPO SR
Panulat ni Pat Grace Coligado
