Binangonan, Rizal – Tinatayang Php2,699,600 halaga ng shabu ang nakumpiska sa suspek sa buy-bust operation ng Rizal PNP nito lamang Huwebes, Hulyo 14, 2022.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si Edmar y Nieto alyas “Bok”, 33, residente ng Aragon Compound, Upper Left Kasinay, Brgy. Darangan, Binangonan, Rizal.
Ayon kay PCol Baccay, bandang 12:01 ng madaling araw naaresto ang suspek sa nabanggit na lugar ng mga operatiba ng Rizal Provincial Intelligence Unit at Provincial Drug Enforcement Unit-Rizal.
Ayon pa kay PCol Baccay, nakumpiska sa suspek ang apat na pirasong heat-sealed plastic sachets na naglalaman ng hinihinalang shabu, apat na pirasong ice plastic bags na tumitimbang ng mahigit kumulang 397 gramo at tinatayang nagkakahalaga ng Php2,699,600, isang pirasong Php1,000 bill na ginamit bilang buy-bust money, dalawang pirasong Php1,000 bills na ginamit bilang boodle money at isang itim na belt bag.
Ang suspek ay nahaharap sa kasong paglabag sa RA 9165 o Comprehensive Dangerous Drugs Act of 2022.
Ang Rizal PNP sa pamumuno ni PCol Dominic Baccay ay patuloy sa kampanya laban sa ilegal na droga at iba pang krimen upang mapanatili ang maayos at ligtas na komunidad.
Source: Rizal Police Provincial Office-PIO
###
Panulat ni Patrolman Mark Lawrence Atencio
