Baguio City – Nakumpiska ang tinatayang Php2,400,000 halaga ng tuyong dahon at tangkay ng marijuana sa apat na naarestong drug personality sa isinagawang buy-bust operation ng mga awtoridad sa Brgy. Pinsao Proper, Baguio City nito lamang hapon ng ika-31 ng Enero 2024.
Kinilala ni Police Colonel Francisco Bulwayan Jr, City Director ng Baguio City Police Office, ang dalawa sa mga suspek na pawang residente ng Badew, Kibungan, Benguet habang ang dalawa ay residente ng Quezon Hill, Baguio City at tinaguriang mga Street Level Individual.
Nakumpiska ang 20 piraso na nakatubular na hinihinalang pinatuyong dahon at tangkay ng marijuana na nakabalot sa dilaw na masking tape na tumitimbang sa mahigit kumulang 20 kilograms na nagkakahalaga ng tinatayang Php2,400.000.
Naging matagumpay ang operasyon dahil sa puspusang pagsisikap ng PDEA Regional Office CAR-Mountain Province; PDEA RO CAR RSET Baguio-Benguet kasama ang mga tauhan ng Baguio City Police Station 2, City Intelligence Unit, City Intelligence Division and Management Unit, at Baguio City Drug Enforcement Unit.
Samantala, ang mga suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Pinuri naman ni PCol Bulwayan Jr., ang mga operatiba sa magandang resulta sa mas pinaigting na pagpapatupad ng Anti-Illegal Drugs ng PNP at PDEA.
Panulat ni Patrolman Liam
