Nasabat ang tinatayang Php2,400,000 halaga ng dried marijuana leaves na nagresulta sa pagkakadakip ng isang High Value Individual (HVI) sa ikinasang buy-bust operation sa Red Star Hotel Parking Lot, Barangay Bulanao, Tabuk City, Kalinga nito lamang ika-20 ng Hunyo 2024.
Ayon kay Police Colonel Gilbert A Fati-ig, Provincial Director ng Kalinga Police Provincial Office, ang matagumpay na operasyon ay ikinasa ng pinagsanib na pwersa ng Police Drug Enforcement Group-Special Operation Unit 2, Provincial Drug Enforcement Unit / Kalinga Provincial Intelligence Unit, PNP-Drug Enforcement Group Special Operation Unit CAR, Philippine Drug Enforcement Agency Kalinga, Philippine Drug Enforcement Agency Nueva Vizcaya, Regional Intelligence Division PRO CAR at Tabuk City Police Station.
Kinilala ang naarestong suspek na si alyas “Junrey”, High Value Individual, 20 anyos, walang asawa, construction worker at residente ng Barangay Nambaran, Tabuk City, Kalinga.
Nagresulta ang operasyon sa pagkakasabat sa mahigit kumulang 20 kilos na dried marijuana leaves na tinatayang nagkakahalaga ng Php2,400,000.
Nakumpiska rin ang isang pirasong sako na ginamit bilang pagtatago ng pinaghihinalaang Dried Marijuana Leaves, isang Unit ng Cellphone Techno, isang unit ng Honda motorcycle XR150 Combination black and white na may Chasis number na KRH 10018057 na walang plate number.
Ang pagkakahuli sa nasabing suspek at pagsamsam sa mga kontrabando ay patunay na ang PNP katuwang ang iba pang ahensya ng gobyerno ay patuloy sa pagpuksa ng ilegal na droga tungo sa Bagong Pilipinas.
Panulat ni Patrolwoman Liezle B Digman
