Nasabat ang tinatayang Php2.3 milyong halaga ng shabu mula sa tatlong indibidwal sa ikinasang buy-bust operation ng PNP at PDEA sa Barangay Tiguma, Pagadian City, Zamboanga del Sur noong Abril 23, 2025.
Kinilala ni Police Lieutenant Colonel Jerwin S Cagurin, Acting Chief of Police ng Pagadian City Police Station, ang suspek na sina alyas “Kan”, 35 anyos, may asawa, magsasaka at residente ng Makir, D.O.S. Maguindanao; alyas “Non”, 32 anyos, residente ng Makir, D.O.S. Maguindanao; at alyas “Haid”, residente ng Tapodoc, Labangan, Zamboanga del Sur.
Naging matagumpay ang operasyon dahil sa pagsisikap ng PDEA Region 9, Pagadian CPS, ZSPDEU, PIU ZSPPO, PDEG9 l, RID9 at Coast Guard Intel Group.
Nakumpiska mula sa mga suspek ang tinatayang 350 gramo ng hinihinalang shabu na may kabuuang Dangerous Drugs Board Value na mahigit Php2,380,000, mga heat-sealed plastic packs ng shabu, iba’t ibang supot at lalagyan, isang pouch na may label na “KINETIC”, isang motorsiklo na may sidecar, at boodle money, at iba pang non-drug evidence.
Patuloy ang PNP sa pagsiguro ng kaayusan at katahimikan sa pamayanan tungo sa pagkamit ng kaunlaran.
Panulat ni Pat Joyce Franco
