Tabuk, Kalinga -Tinatayang Php2,200,000 halaga ng halamang marijuana ang sinira at sinunog ng Kalinga PNP sa isinagawang marijuana eradication sa ilalim ng PNP Oplan Rosas at PDEA Oplan The Mohan, sa dalawang plantasyon sa Sitio Nabuluan, Lacnog, Tabuk City, Kalinga, nito lamang Biyernes, Mayo 13, 2022.
Ayon kay Police Colonel Peter Tagtag, Acting Provincial Director ng Kalinga Police Provincial Office, naging matagumpay ang operasyon sa pinagsanib na puwersa ng Provincial Drug Enforcement Unit, Provincial Intelligence Unit, Kalinga Police Provincial Office, Tabuk City Police Station, Rizal Municipal Police Station, Regional Intelligence Unit 14, 1st at 2nd KPMFC, 1503rd MC Regional Mobile Force Battalion, Regional Intelligence Division, Regional Drug Enforcement Unit, Regional Special Operations Group, 141 Special Action Company PNP Special Action Force, Quezon Municipal Police Station, Regional Intelligence Unit 2, Philippine Drug Enforcement Agency (PDEA) Kalinga at Batanes, at Naval Forces Northern Luzon.
Dagdag pa ni PCol Tagtag, nadiskubre ng mga operatiba ang hindi bababa sa 11,000 fully grown marijuana plants na nakatanim sa humigit kumulang 600 square meters na lupain na nagkakahalaga ng Php2,200,000.
Bagamat walang nahuling marijuan cultivator, kaagad namang binunot at sinunog ng mga operatiba ang nadiskubreng mga marijuana sa mismong lugar ng taniman.
Patuloy din ang pagpapaigting ng Marijuana eradication ng Kalinga PNP upang mapuksa ang mga ipinagbabawal na mga halaman at upang matukoy ang mga nasa likod ng pagtatanim nito.
Source: https://m.facebook.com/story.php?story_fbid=1742798872729820&id=100009991715687
###
Panulat ni Patrolwoman Febelyne Codiam
