Tinatayang Php2,100,000 halaga ng marijuana ang binunot at sinunog ng mga awtoridad sa isinagawang marijuana eradication sa Brgy. Tacadang, Kibungan, Benguet nito lamang Nobyembre 25, 2023.
Ayon kay Police Colonel Damian Olsim., Provincial Director ng Benguet Police Provincial Office, matagumpay ang operasyon sa pinagsamang puwersa ng Kibungan Municipal Police Station at Philippine Drug Enforcement Agency.
Bagamat walang nahuling marijuana cultivator, kaagad namang binunot at sinunog ng mga operatiba ang tinatayang aabot sa 10,500 Fully Grown Marijuana Plants na nakatanim sa anim na plantasyon na may Standard Drug Price na Php2,100,000.
Ang matagumpay na operasyon ng Benguet PNP at PDEA ay isa lamang resulta ng walang tigil at mas pinaigting na kampanya kontra sa ilegal na droga.
