Cebu City – Nasamsam ang isang milyong pisong halaga ng shabu sa buy-bust operation ng pulisya ng Cebu City nito lamang Linggo, Marso 6, 2022.
Kinilala ni Police Colonel Ernesto Salvador T Tagle, City Director, ang suspek na si Randy Cruda Aranduque, 35, residente ng J. Tabura St., Brgy. Poblacion Pardo, Cebu City.
Ayon kay Police Colonel Tagle, si Aranduque ay naaresto bandang 5:30 ng hapon sa Zacate, Brgy. Basak Pardo ng mga operatiba ng Station 7 Drug Enforcement Unit at kabilang sa Regional Level High Value Individual.
Ayon pa kay Police Colonel Tagle, nakumpiska sa suspek ang 10 piraso ng malalaking sachet na hinihinalang shabu na may tinatayang timbang na 150 gramo at umaabot ang halaga sa mahigit Php1,000,000, isang cross gray bag na ginagamit na lagayan ng mga ilegal na droga, isang bundle na pekeng pera, at isang Php500 bill na ginamit bilang buy-bust money.
Ang suspek ay nasa kostudiya ng Inayawan Police Station, CCPO. Samantala ang mga nakalap na ebidensiya ay agad na dinala sa PNP Cebu City Forensic Unit para sa pagsusuri.
Nahaharap ang suspek sa kasong paglabag sa Sec. 5 at 11, Art. II ng RA 9165 o Dangerous Drugs Act of 2002.
###
Panulat ni Patrolman Edmersan P Llapitan
