Nasamsam ang tinatayang Php1,020,000 halaga ng hinihinalang shabu at naaresto ang dalawang High Value Targets (HVTs) sa ikinasang buy-bust operation ng Koronadal City Police Station sa Purok Everlasting, Barangay Avancena, Koronadal City, South Cotabato bandang 9:26 ng gabi noong Hunyo 4, 2025.
Kinilala ni Police Lieutenant Colonel Peter L Pinalgan Jr, Chief of Police ng Koronadal City Police Station, ang mga naaresto na sina alyas “Panoy”, 37-anyos at alyas “Boboy”, 49-anyos, kapwa residente ng Koronadal City, South Cotabato.
Nasamsam mula sa mga suspek ang isang Php500 bill bilang marked money, tatlong jumbo packs ng hinihinalang shabu na may tinatayang timbang na 150 gramo at may Standard Drug Price na Php1,020,000.
Kasong paglabag sa Sections 5 at 11 ng Republic Act 9165 o “Comprehensive Dangerous Drugs Act of 2002” ang kakaharapin ng mga suspek.
Ang matagumpay na operasyong ito ay patunay ng tuluy-tuloy na kampanya ng PNP laban sa droga, katuwang ang komunidad sa pagtataguyod ng isang Bagong Pilipinas—mapayapa, ligtas, at walang lugar para sa kriminalidad.
Panulat ni Khnerwin Jay Medelin
