General Santos City – Tinatayang Php1,000,000 halaga ng shabu ang nasabat mula sa isang indibidwal sa buy-bust operation ng PNP at PDEA sa General Santos City nito lamang Sabado, Hunyo 18, 2022.
Kinilala ni Police Colonel Paul Bometivo, City Director ng General Santos City Police Office, ang suspek na si Jason Tiu Lacsamana, 47, residente ng Toril, Davao City.
Ayon kay PCol Bometivo, naaresto ang suspek sa kahabaan ng Bula Lagao Road, Brgy. Bula, General Santos City ng pinagsanib puwersa ng City Police Drug Enforcement Unit ng General Santos City Police Office at Philippine Drug Enforcement Unit 12.
Ayon pa kay PCol Bometivo, nakuha mula sa suspek ang isang jumbo size sachet, 20 piraso ng large size sachets na naglalaman ng hinihinalang shabu na may timbang na 150.5 gramo na may tinatayang halaga na Php1,020,000 at ang perang ginamit bilang buy-bust money.
Ang suspek ay nahaharap sa kasong paglabag sa RA 9165 o Comprehensive Dangerous Drugs Act of 2002.
Ipinag-utos naman ni PCol Bometivo ang pagsasagawa ng follow-up investigation para matukoy ang mga supplier ng mga nakumpiskang shabu at hinihikayat ang publiko na makipagtulungan sa kapulisan upang tuluyang masugpo ang ilegal na droga.
###
Panulat ni Patrolman Charnie Atienza Mandia
