Nasabat ang tinatayang Php1,054,000 halaga ng shabu habang arestado ang isang lalaki sa isinagawang operasyon ng mga otoridad sa Barangay Kili Kili East, Wao, Lanao Del Sur bandang 6:00 ng umaga noong ika-30 ng Oktubre 2024.
Kinilala ni Police Lieutenant Colonel Josue O Delos Reyes Jr., Officer-In-Charge ng Wao Municipal Police Station, ang suspek na si alyas “Baulo”.
Naging matagumpay ang naturang operasyon dahil sa pinagsanib pwersa ng mga operetiba ng PDEA BARMM, 9th Scout Ranger Company, 3rd Scout Ranger Battalion, Bavo Coy, 55th Infantry Battalion, PDEU/PSOG LDS at Wao Municipal Police Station sa bisa ng Search Warrant na nagresulta sa pagkakaaresto ng suspek at pagkakakumpiska ng mga ebidensya.
Nakuha mula sa operasyon ang apat na piraso ng heat-sealed transparent plastic sachets na naglalaman ng pininiwalaang shabu na nagkakahalaga ng Php1,054,000, dalawang piraso ng orange plastic bags; isang pink plastic bag; isang weighing scale; dalawang driver’s licenses; isang pouch at iba’t ibang drug paraphernalia.
Patuloy ang PNP sa pagsiguro ng kaligtasan ng publiko at puksain ang ilegal na droga na salot sa lipunan at sumisira sa kinabukasan ng ating kabataan.
Panulat ni Patrolwoman Veronica
