Kalaboso ang dalawang suspek matapos makumpiskahan ng tinatayang Php1,020,000 halaga ng ilegal na droga sa ikinasang buy-bust operation ng Bataan PNP sa Brgy. Townsite, Mariveles, Bataan nito lamang Linggo, ika-21 ng Enero 2024.
Kinilala ni Police Colonel Palmer Tria, Provincial Director ng Bataan Police Provincial Office, ang mga suspek na sina alyas “Celso” at alyas “Bobby”, pawang residente ng nasabing lugar.
Umabot sa 150 gramong shabu na nagkakahalaga ng Php1,020,000 ang nakumpiska kabilang na ang ginamit na buy-bust money at ilang mga non-drug items.
Kasong paglabag sa RA 9165 o Comprehensive Dangerous Drugs Act of 2002 ang haharapin ng mga suspek.
Patunay lamang ito ng dedikasyon ng Bataan PNP sa kanilang pagpapaigting laban sa paglaganap ng ilegal na droga at kriminalidad sa kanilang nasasakupan.
Source: Bataan Police Provincial Office
Panulat ni Patrolwoman Jilly A Peña
