Tinatayang Php1,020,000 halaga ng shabu ang nasabat habang 2 babae ang naaresto sa isinagawang buy-bust operation ng mga awtoridad sa Brgy. Poblacion Dalican, Datu Odin Sinsuat, Maguindanao Del Norte nito lamang ika-25 ng Disyembre 2023.
Ayon kay Police Brigadier General Allan Nobleza, Regional Director ng Police Regional Office Bangsamoro Autonomous Region, halos isang buwang minanmanan ang mga subject bago isagawa ang nasabing operasyon kung saan nakumpiska ng mga operatiba ang tatlong piraso ng heat-sealed transparent plastic sachet na naglalaman ng hinihinalang shabu na tinatayang nagkakahalaga ng Php1,020,000 at ang ginamit na boodle money.
Naging matagumpay ang operasyon dahil sa pinagsanib na pwersa ng mga operatiba ng Datu Odin Sinsuat Municipal Police Station, Provincial Drug Enforcement Unit/Provincial Intelligence Unit ng Maguindanao del Norte, OFC 2MP Provincial Mobile Force Company, at Philippine Army.
“I sincerely appreciate our Police in this another successful operation. Ang tuloy-tuloy na operasyong ito ay malaking tulong na mabawasan ang krimen sa rehiyon ng Bangsamoro”, ani PBGen Nobleza.
Panulat ni Patrolman Charlie Nasroden Corpuz
