Naga City – Tinatayang nasa Php1,020,000 halaga ng shabu ang nakumpiska sa dalawang drug suspek sa inilunsad na drug buy-bust operation ng pinagsamang mga operatiba ng PNP Bicol sa Almeda Highway, Barangay Concepcion, Naga City nito lamang Enero 16, 2024.
Kinilala ni Police Colonel Erwin Rebellon, City Director ng Naga City Police Office, ang mga suspek na isang 24-anyos na babae, dalaga, walang trabaho at residente ng San Fernando, CamSur at 28-anyos na lalaki, binata, walang trabaho at residente ng Barangay San Felipe, Naga City.
Ayon kay PCol Rebellon, bandang 6:30 ng umaga ng isinagawa ang operasyon ng pinagsanib na mga operatiba ng Police Station 2 DEU (lead unit), Regional Police Drug Enforcement Unit 5 (ODRDO-RPDEU5), Naga CMFC at CIU- Naga sa pakikipag-ugnayan sa PDEA- Naga City Office.
Nakumpiska mula sa mga suspek ang 150 gramo ng pinaniniwalaang shabu na may street value na Php1,020,000.
Mahaharap ang mga suspek sa kasong paglabag sa R.A. 9165 o ang Comprehensive Dangerous Drugs Act of 2002.
Ang matagumpay na operasyon ay bunga ng pinaigting na kampanya laban sa ilegal na droga para sa isang ligtas at maunlad na pamayanan.
Source: Naga City Police Office
