Pili, Camarines Sur – Tinatayang Php1,022,500 halaga ng shabu ang nakumpiska sa isang High Value Individual (HVI) sa ikinasang buy-bust operation ng Camarines Sur PNP sa Zone 3, Barangay La Purisima, Pili, Camarines Sur nito lamang Oktubre 19, 2022.
Kinilala ni PCol Julius Caesar Domingo, Officer-In-Charge ng Camarines Sur PPO, ang suspek na si Gregorio Richelieu E Ayen, 51, residente ng nabanggit na lugar at kabilang sa listahan ng High Value Individual ng probinsya.
Ayon kay PCol Domingo, bandang 10:50 ng umaga ng isinagawa ang operasyon ng pinagsanib na mga operatiba ng Pili Municipal Police Station at Camarines Sur Police Provincial Office.
Nakumpiska mula sa suspek ang 10 plastic transparent sachet ng hinihinalang shabu na may tinatayang timbang na 150 gramo na nagkakahalaga ng Php1,022,500, isang weighing scale at isang yunit ng caliber .38 revolver na kargado ng dalawang bala.
Nahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002 at RA 10591 o ang Comprehensive Firearms and Ammunition Regulation Act.
Patuloy ang isinasagawang operasyon ng PRO5 sa ilalim ng pamumuno ni PBGen Rudolph B Dimas, RD, PRO5 upang masawata ang paglaganap ng ipinagbabawal na droga sa rehiyon tungo sa ikakasaayos at ikakapayapa ng pamayanan.
