Olongapo City – Timbog ang tatlong kabilang sa drug watchlist personalities matapos makumpiska ang tinatayang Php1,034,960 halaga ng shabu sa ikinasang buy-bust operation sa Brgy. Sta. Rita, Olongapo City nito lamang Martes, ika-2 ng Mayo 2023.
Kinilala ni Police Colonel Carlito Grijaldo, City Director ng Olongapo City Police Office, ang mga suspek na sina alyas “Aiman”, 27; alyas “Mohammad”, 22; at alyas “Hamza”, 22, pawang mga residente ng Brgy. Sta. Rita, Olongapo City.
Nakumpiska ng mga operatiba ang tinatatayang 152.2 gramo ng shabu na tinatayang nagkakahalaga ng Php1,034,960; isang pirasong Php1,000 bill na genuine money; at pitong pirasong Php1,000 fake boodle money.
Matagumpay ang nasabing operasyon dahil sa pagsisikap ng pinagsanib na pwersa ng Olongapo City Police Drug Enforcement Unit, Police Olongapo City Station 5, Special Operation Unit 3 ng PNP Drug Enforcement Group at Olongapo City Mobile Force Company.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Olongapo City PNP sa pagpapaigting laban sa ilegal na droga at pagpapanatili ng kaayusan sa kanilang nasasakupan.
Source: Olongapo City Police Office
Panulat ni Police Corporal Jeselle Rivera/RPCADU3
