Nakumpiska ang tinatayang Php1,030,260 halaga ng hinihinalang shabu mula sa Top 2 High Value Individual sa isinagawang buy-bust operation ng Regional Police Drug Enforcement Unit 11 sa Barangay Cogon, Digos City, Davao del Sur nito lamang Abril 8, 2025.
Kinilala ni Police Major Maynard D Pascual, Hepe ng RPDEU 11, ang suspek na si alyas “Man”, 53 anyos, residente ng Purok Libungan, Pigcawayan, Cotabato City at tinaguriang Top 2 Regional High Value Individual.
Nakuha ang humigit kumulang 151.51 gramo ng hinihinalang shabu at iba pang ebidensya.
Nahaharap ngayon ang suspek sa kasong paglabag sa Republic Act No. 9165 o “Comprehensive Dangerous Drugs Act of 2002”.
Tuloy-tuloy naman ang operasyon ng Police Regional Office 11, hindi lamang para hulihin at mapanagot ang lahat ng lumalabag sa batas kundi pati na rin hikayatin ang komunidad na makiisa sa mga mahahalagang hakbang upang matiyak ang kaayusan tungo sa kaunlaran.
Panulat ni Pat Shairra Rose A Aquino
