Nakumpiska ang tinatayang Php1,020,000 halaga ng shabu sa isinagawang drug buy-bust operation ng City Drug Enforcement Unit Zamboanga City katuwang ang City Intelligence Unit, PNP DEG at Zamboanga City Police Station 11 sa pakikipagkoordinasyon ng PDEA Zamboanga City sa Aquino Drive, Barangay Canelar, Zamboanga City nito lamang Abril 29, 2025.
Kinilala ni Police Colonel Fidel B Fortaleza Jr, City Director ng Zamboanga City Police Office, ang suspek na si alyas “Manoy”, lalaki, 47 anyos, college graduate at residente ng Barangay Camino Nuevo, Zamboanga City.
Nakumpiska mula sa suspek ang sumusunod na mga item: isang heat-sealed transparent plastic sachet ng hinihinalang shabu (buy-bust); dalawang heat-sealed transparent plastic sachet ng hinihinalang shabu; isang Driver’s License; at iba pang non-drug evidence.
Tinatayang nasa 150 gramo ang kabuuang timbang ng nakumpiskang hinihinalang shabu na may tinatayang halaga na Php1,020,000 at mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa kanilang sinumpaang tungkulin na hulihin ang mga taong tiwalag sa batas, mapanatiling ligtas ang komunidad, at ipatupad ang kapayapaan ng bansa para sa umuunlad na Bagong Pilipinas.
Panulat ni Pat Joyce M Franco
